Stephenie Meyer | |
---|---|
![]() Stephenie Meyer tydens die Comic-Con in 2012 in San Diego | |
Gebore | Stephenie Morgan 24 Desember 1973 |
Nasionaliteit | Amerikaans |
Beroep | Skrywer, rolprentvervaardiger |
Bekend vir | Twilight-reeks The Host The Chemist |
Eggenoot | Christian Meyer (∞ 1994) |
Kinders | 3 |
Webwerf | stepheniemeyer.com |
Handtekening | |
![]() |
Luafout in Module:Check_for_unknown_parameters op reël 93: attempt to call field '_warning' (a nil value)
Stephenie Meyer ([ˈmaɪ.ər]; née Morgan; 24 Desember 1973) is 'n Amerikaanse romanskryweres wat internasionale bekendheid verwerf het met haar romantiese vampier-verhaalreeks Twilight - een van die kommersieel suksesvolste in die genre van fantasieromans vir jong volwasse lesers met meer as 100 miljoen verkoopte eksemplare.
Meyer, wat in haar jeugjare self 'n gretige leser was, het haar akademiese opleiding aan die Brigham Young-universiteit gevolg en op die ouderdom van 21 in die huwelik getree voordat sy in 1997 haar BA-graad in Engels verwerf het. Sonder vorige ervaring in die literêre bedryf het sy die idee vir die romanreeks in 'n droom gekry. Onder die invloed van die werk van Jane Austen en William Shakespeare het sy Twilight kort daarna begin skryf. Aanvanklik het uitgewerye, by wie Meyer die manuskrip voorgelê het, geen kans gesien vir 'n publikasie nie.
![]() Edward: "What did you expect? Coffins and dungeons and moats?" |
– Uit die Twilight-reeks |
Toe Little, Brown and Company dit ontvang het, het hulle die werk se potensiaal raakgesien en aan Meyer $750 000 betaal vir 'n kontrak wat voorsiening gemaak het vir 'n reeks van drie romans. Uiteindelik het vier uit haar pen gekom. Daarnaas het verskeie romans en novelles, wat deur die hoofreeks geïnspireer is, verskyn. Uiteindelik is Twilight ook verfilm.
Meyer het vervolgens haar eerste werke vir volwasse lesers geskryf met The Host (gepubliseer in 2008) en The Chemist (2016). Sy het haar eerste ervaring met rolprentvervaardiging opgedoen en met Fickle Fish Films haar eie onderneming in dié bedryf gestig. So het sy die twee dele van Breaking Dawn net soos twee ander romans vir die silwerdoek verwerk en die films self vervaardig.
Meyer, wat 'n praktiserende lidmaat van die Kerk van Jesus Christus van die Heiliges van die Laaste Dae is, beskou die Kerk as die grootste invloed op haar lewe en werk. Haar geloofsoortuigings word in haar werk weerspieël deur die afwesigheid van alkoholiese dranke, rook of eksplisiete beskrywings van seks. Haar twee hoofkarakters, vampier Edward Cullen (wat nog redelik jonk is met sy ouderdom van 107/109 jaar, as vampier nooit meer aan 'n verouderingsproses onderworpe sal wees nie en - wat sy voorkoms betref - vir alle tyd 'n 17-jarige jongeling sal bly volgens die lewensjaar waarin hy gebyt is, en wat ondanks alle pogings van vampierdames nog nooit tot geslagsomgang verlei is nie) en sy sterflike vriendin Bella weerhou hulle in die Twilight-reeks ook van voorhuwelikse seks. In plaas daarvan begin natuurlike seksuele spanning tussen die twee karakters opbou. Enkele sentrale aspekte van die Kerklidmate se geloofsoortuigings staan sentraal in haar werk, soos sterflikheid, versoeking en ewige lewe.
Stephenie Meyer woon met haar man en drie seuns in Phoenix, Arizona.
© MMXXIII Rich X Search. We shall prevail. All rights reserved. Rich X Search